Plantun de Prouvènço

Pèr coumpara dos planto d'encò nostre

Carum carvi & Micromeria marginata

Càrvi

Carum carvi

Apiaceae Umbelliferae

Àutri noum : Charui, Charièi, Charuei, Chervi, Cherui.

Noms en français : Carvi, Cumin des prés.

Descripcioun :
Lou càrvi (o charui e si varianto dins lis Aup) es uno fino Apiaceae que trachis dins li prado de mountagno. La cambo èi boutisso, la racino blanco en fusèu e óudouranto, e li fueio primo, dous à tres cop divisado e penado. Li fru de 3 à 4 mm sènton bon lou cumin.

Usanço :
Lou grun (fru) de càrvi èi couneigu pèr èstre un bon sabourun, s'emplego dins d'ùni relarg pèr douna de goust i tian, froumage e aigardènt... Li fueio soun manjadisso, en Savoio n'en fasien de soupo (siècle XIXen) ; au nostre se manjavo li racino. L'òli de grun de càrvi èi bono pèr tout ço que toco la digestioun, majamen contro li doulour de vèntre. Èi bon peréu contro lou tussi e pèr faire veni lou la dins li teté.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Carum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : Vo
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Prado - Camin
Estànci : Mountagnard à Subaupen
Couroulougi : Éurasiatico
Ref. sc. : Carum carvi L., 1753

Isop(-margina)

Micromeria marginata

Lamiaceae Labiaceae

Noms en français : Micromérie marginée, Sariette marginée.

Descripcioun :
Aquel isop, que douno d'èr à un pebre-d'ai di flour roso, es uno planto endemico dis Aup-Marino. A pamens ges d'óudour. Trachis dins li roucas e li baus en pichoto mato denso. Li fueio, uno pau redouno, soun bèn mai larjo que li dóu pebre-d'ase. Es uno planto aparado marcado sus listo roujo, categourìo LC, es à dire soucit minour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 20 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Micromeria
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 8 à 15 mm
Flourido : Estiéu

Sòu : Ca
Autour basso e auto : 600 à 2200 m
Aparado : Noun
Remarco : Endemico Aup Marino
Juliet à Avoust

Liò : Roucas - Baus
Estànci : Subremediterran à Subaupen
Couroulougi : Ouroufito-Aupenco-Sud-Ouèst
Ref. sc. : Micromeria marginata (Sm.) Chater, 1971 (= Micromeria marginata (All.) Benth. = Satureja marginata (Sm.) Greuter & Burdet )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carum carvi & Micromeria marginata

ges

Coumpara Càrvi emé uno autro planto

Coumpara Isop(-margina) emé uno autro planto